“Láddelaš ja eará
ártegis ságat”? - Neutrála giela almmolaš geavaheapmi sápmelaš almmolašvuođas
Ylen sámerádio
hálddahushoavda Pirita Näkkäläjärvi lea ođastan sosiálaráđđeolbmo Risten-Rauna
Magga fuola dan birra ahte láddelaččat váldet háldui sámedikki. Ođđasa čuolbman
lea dat ahte das čujuhuvvo stáhtuskeahtes sápmelaččaid ohcamušaide sámedikki
válgalogahallamii. Nubbin ođas geažida ahte buot sámedikki válgaevttohasat eai
livččii sápmelaččat dahje sámegielat boazodolliid miela miel.
Makkáraš doahpagat
ja atmosfeara gullet neutrála sámegillii? Leatgo sámegielas sánit, main lea
negatiiva šuokŋa? Olu leat ságastahttán doahpagat rivgu ja láddelaš.
Ságastallamis leat vuhttomis ákkastallamat bealis ja vuostá. Lea daddjon ahte
doahpagat leat sámegillii gullevaččat ja sámegiela árbevirolaš kultuvrra vuogit
gohčodit olggobeale olbmuid. Nuppe dáfus doahpagiid leat doallan loavkidahttin
ja árvočatnasan. (vrd. suomagiela sánit neekeri
ja ryssä). Ovdamearkan Ylen iđit tv
ságastallamis Gielladoaimmahaga sátnegirjji váldodoaimmaheaddji Eija-Riitta
Grönros deattuha ahte sáni neekeri
ii galggašii geavahit máŋge oktavuođas (YLE ođas 26.5.2011). Grönros geažuha
ahte sullasaš sániid geavaheaddjit muittuhit daid leat oassi suomagiela, muhto
son linnje ahte dat ii atte vuoigatvuođa geavahit dáid sániid, vaikke mo
jurddašivččii ahte ii hálit loavkidahttit geange. Lassin YLE lea váldán eret
geavahan politihkkara ođasteami oktavuođas guohcisteaddji namahusaid.
Riikabeaiáirrasevttohasa válgatente gessui eret, dasgo son namahalai afrihkkálaččaid
ja ruoššaid. (Iltalehti 6.4.2015) Čujuhusat muitalit dan birra, ahte YLE
váldegotti dásis ii doarjjo negatiiva, árvoláddejuvvon sániid.
Ođas lea min mielas
loavkašahtti jus das leat geavahuvvon rivgu ja láddelaš doahpagat
stáhtuskeahtes sápmelaččaid birra loavkašahtti vugiin. Jus sámekultuvrras leat
geavadagat, maid ulbmilin lea loavkidit de dat eai gula 2015
ságastallankultuvrii. Yle Sápmi ii sáhte maiddái rollastis bealis doarjut
rasismma. Dan ii leat dárbu buktit almmolašvuhtii jienaid main leat vaššiságat.
Yle Sámi ulbmilin lea baicce doarjut ja bálvalit sámi servodaga positiiva
vuoiŋŋas. Sámi servodat leat hearkkes dilis historjjá ja eahpestabiila
váldejuogu dihtii, nuba danin sáhttit gáibidit áššálaš láhttema servodaga váldegeavaheaddjin.
Dáidda gullá eahpitkeahttá Yle Sápmi. VGDSámit ávžžuha Yle Sámi dahkat iešárvvoštallama dan birra mo dan árvvut:
luohttámuš, bealátkeahtesvuohta ja olbmo gudnejahttin ollašuvvet ođasteamis
vaikkeba maŋimuš 2 jagi áigge.
Ei kommentteja:
Lähetä kommentti